САЙРАМ АУДАНЫНДА «ҚАУІПСІЗ ҮЙ» ІС-ШАРАСЫ АЯСЫНДА ОТБАСЫЛАРҒА ТҰРАҚТЫ ҚОЛДАУ КӨРСЕТІЛУДЕ

. Осы мақсатта аудан аумағында «Қауіпсіз үй» профилактикалық іс-шарасы ұйымдастырылып, тиісті сала мамандары бірлескен жұмыстар атқаруда.

Аталған шараның негізгі мақсаты – тұрғындардың тұрмыс жағдайын зерделеу, қиын өмірлік жағдайға тап болған отбасыларды анықтау, оларға қажетті әлеуметтік, құқықтық және психологиялық көмек көрсету, сондай-ақ отбасы ішіндегі келеңсіз жағдайлардың алдын алу.

Іс-шара барысында жауапты мамандар елді мекендерді аралап, тұрғындармен кездесулер өткізді. Аула аралау жұмыстары кезінде әлеуметтік қолдауды қажет ететін, қиын жағдайға тап болған бірнеше отбасы анықталды. Әр отбасының жағдайы жеке зерделеніп, олардың мәселелерін шешу жолдары қарастырылды.

Нәтижесінде қиын жағдайға тап болған үш әйелге психологиялық және заңгерлік түсіндіру жұмыстары жүргізілді. Оларға құқықтары мен заңды мүдделерін қорғау жолдары түсіндіріліп, туындаған мәселелер бойынша қажетті кеңестер берілді. Сонымен қатар мамандар азаматтарға мемлекеттік қолдау шаралары, әлеуметтік қызметтерді алу тәртібі және қиын жағдайдан шығу бағыттары бойынша ақпарат ұсынды.

Профилактикалық жұмыстар барысында балалар мен жасөспірімдердің қауіпсіздігіне де ерекше назар аударылды. Мамандар жасөспірімдердің эмоционалдық жағдайын бақылау, балалар мен жасөспірімдер арасындағы суицидтік мінез-құлықтың алдын алу әдістерін түсіндіру, осы бағыттағы хабардарлықты арттыру және психологиялық қолдау көрсету мәселелеріне басымдық беруде.

Бұл бағыттағы жұмыстардың мақсаты – балалар мен жастардың психологиялық жағдайын жақсарту, қиындықтарға тап болған жағдайда дер кезінде көмек көрсету, олардың өз мәселелерін ашық айтуына мүмкіндік жасау және қауіпсіз орта қалыптастыру. Ата-аналарға да балалармен дұрыс қарым-қатынас орнату, олардың көңіл күйіндегі өзгерістерге назар аудару және қажет болған жағдайда мамандар көмегіне жүгіну жөнінде түсіндіру жұмыстары жүргізілуде.

Сонымен қатар профилактикалық шара барысында тұрақты тұрғылықты мекенжайы болмаған бір отбасы анықталып, оған қажетті көмек көрсетілді. Аталған отбасы әлеуметтік қолдау алу мақсатында Отбасын қолдау орталығына орналастырылды. Мұнда отбасы мүшелеріне тұрмыстық, психологиялық және әлеуметтік бағытта кешенді көмек көрсетіліп, қалыпты өмір сүру жағдайына бейімделуіне қолдау жасалады.

Сайрам ауданында мұндай жұмыстар бір реттік шарамен шектелмей, тұрақты түрде жалғасып келеді. Қиын жағдайға тап болған отбасылардың жағдайы бақылауға алынып, оларға тиісті мамандар тарапынан жүйелі көмек көрсетіліп тұрады. Әлеуметтік қызметкерлер, құқық қорғау органдары, психологтар және басқа да сала мамандары бірлесіп, тұрғындардың мәселелерін уақытылы анықтап, шешу жолдарын қарастыруда.

Сонымен қатар мамандар тұрғындарға отбасылық құндылықтарды сақтау, балалардың қауіпсіздігін қамтамасыз ету, тұрмыстық зорлық-зомбылықтың алдын алу, құқықтық сауаттылықты арттыру және психологиялық қолдаудың маңыздылығын түсіндіру бағытында тұрақты жұмыстар жүргізуде.

«Қауіпсіз үй» профилактикалық іс-шарасы – қоғамдағы тұрақтылықты нығайтуға, азаматтардың қауіпсіздігін қамтамасыз етуге және көмекке мұқтаж жандарды қолдауға бағытталған маңызды бастамалардың бірі. Мұндай шаралар арқылы тұрғындардың мәселелері ерте кезеңде анықталып, оларға қажетті көмек дер кезінде көрсетіледі.

Сайрам ауданында халықпен тығыз байланыс орнату, әлеуметтік қолдауды қажет ететін азаматтарға көмек беру, балалар мен жасөспірімдердің қауіпсіз ортасын қалыптастыру және қоғамдағы психологиялық тұрақтылықты сақтау бағытындағы жұмыстар алдағы уақытта да жалғасын табады. Басты мақсат – әрбір отбасының әл-ауқатын арттыру, азаматтардың құқықтарын қорғау және қауіпсіз қоғам қалыптастыру.