ТҮРКІСТАН ОБЛЫСЫНЫҢ ДЕЛЕГАЦИЯСЫ ҚЫТАЙҒА ЖҰМЫС САПАРЫМЕН БАРЫП, ЖАҢА СЕРІКТЕСТІК МҮМКІНДІКТЕРІН ТАЛҚЫЛАДЫ

Солардың бірі – Ордабасы ауданының әкімі Азат Оралбаев бастаған делегацияның Қытай Халық Республикасына жұмыс сапары. Делегация Таншань қаласына барып, өңірлік кәсіпкерлік және өндірістік мүмкіндіктермен танысып, жаңа серіктестік бағыттарын айқындауды мақсат етті.

Сапардың басты мақсаты – екіжақты экономикалық, инвестициялық және технологиялық ынтымақтастықты кеңейту, тәжірибе алмасу, сондай-ақ Түркістан облысының өнеркәсіптік әлеуетін арттыру болып табылады. Ордабасы ауданының делегациясы сапары барысында «Tanshan Huating PoreelainCo 6 LTD» компаниясының өндірісін аралап көрді. Бұл кәсіпорын мал сүйектерін өңдеу арқылы май және желатин компоненттерін өндірумен айналысып, түрлі өнім шығарады. Мұндай өндірістік тәжірибе жергілікті кәсіпкерлер мен әкімдік өкілдері үшін өте маңызды, себебі өңірде ауыл шаруашылығы өнімдерін қайта өңдеуді дамыту жоспарда бар.

Сапардың келесі бағыты – «Chenlong» компаниясы, онда жасанды интеллект негізінде басқарылатын дрондарды өндіру орталығына бару болды. Делегацияға өндірістің барлық кезеңдері таныстырылып, өндірістік процестер, технологиялық шешімдер мен сапаны бақылау әдістері көрсетілді. Сонымен қатар, авто-мектептің жұмыс барысы да назардан тыс қалмады, бұл тәжірибе Түркістан облысында техникалық оқыту мен кадр даярлау жүйесін жетілдіруге бағытталуы мүмкін.

Сонымен қатар делегация «Tangan» компаниясының машина жасау өндірісін аралап, төтенше жағдайларға арналған жабдықтар шығару орталығының қызметімен танысты. Орталық жыл сайын 60 мыңнан астам түрлі жабдықтарды шығарады, бұл өңірдегі төтенше жағдайларға дайындықты жақсартуға үлес қосады. Мұндай тәжірибе Түркістан облысы үшін өрт сөндіру, медициналық, энергетикалық және құрылыс саласындағы жабдықтарды өндіруді дамытуға бағытталған жоспарлармен үндеседі.

Делегация сонымен қатар қалдықтарды өртеу арқылы электр қуатын өндіретін кәсіпорынның жұмысымен танысып, энергияның баламалы көздерін тиімді пайдалану тәжірибесін зерделеді. Бұл бағыт экология мен энергия тиімділігін арттыруға, сондай-ақ Түркістан облысында жаңартылатын энергия көздерін енгізу жобаларына үлгі бола алады.

Екі ел арасындағы экономикалық және технологиялық байланыстарды тереңдету мақсатында сапар барысында жаңа инвестициялық мүмкіндіктер, өндірістік серіктестіктер және өңірлік өнеркәсіптік жобалар қаралды. Бұл тәжірибе Ордабасы ауданы мен жалпы Түркістан облысының өнеркәсіптік және экономикалық әлеуетін арттыруға, жергілікті кәсіпкерлікті дамытуға мүмкіндік береді.

Айта кетейік, осыған дейін «Tanshan Huating PoreelainCo 6 LTD» компаниясы мен Ордабасы ауданы әкімдігі арасында өзара ынтымақтастық туралы меморандум жасалған. Келісім аясында әкімдік тарапынан жер телімі бөлініп, тиісті инженерлік-инфрақұрылым желілерін тарту және жобаны сүйемелдеу жұмыстары жүргізілуде. Қазіргі таңда кәсіпорынның құрылысы басталып, жобаның іске асырылуы кезең-кезеңімен жүзеге асырылуда. Бұл инвестициялық серіктестік жергілікті экономика мен экспорттық әлеуетті арттыруға, сонымен қатар ауыл шаруашылығы өнімдерін өңдеу саласында жаңа өндірістік бағыттарды дамытуды қамтамасыз етеді.

Сапардың нәтижесінде делегация жаңа технологиялық шешімдерді, өндірістік процестерді және халықаралық тәжірибені зерттей отырып, өңірдегі кәсіпкерлік ортаны дамыту және инвестициялық климатты жақсарту жөнінде нақты ұсыныстар әзірледі. Сонымен қатар, Қытай компанияларының тәжірибесі Түркістандағы өндіріс орындарында инновациялық әдістерді қолдануға жол ашады, бұл өз кезегінде өңірдегі экономикалық тиімділікті арттырады.

Түркістан облысының шетелдік жұмыс сапарлары тұрақты түрде жалғасып, әр іссапар өңірдің экономикалық, әлеуметтік және өнеркәсіптік дамуына жаңа серпін беруде. Азат Оралбаев бастаған делегацияның сапары осы бағыттағы нақты қадамдардың бірі болып, екі ел арасындағы байланыстарды нығайтуға, жаңа инвестициялық жобаларды іске асыруға және өңірдің индустриялық әлеуетін арттыруға бағытталған.