АДАМДАР КӨП ШОҒЫРЛАНҒАН НЫСАНДАРДА ӨРТ СӨНДІРУ-2

Мектептер әкімшілігі алдын ала өрт жағдайына оқушыларды көшіру жоспарларын жасайды, оны жоспарға сәйкес қызмет көрсетуші тұлғаларға таныстырады. Балалар мекемелері орналасқан өрт бөлімдерінің шығу аудандарында оларға жедел кәртішкелерді жасайды. Жедел кәртішкелерде ғимараттың жоспарлануы және конструктивті ерекшеліктері, күндізгі және түнгі уақытта балалардың саны мен орналасу орны, көшірудің негізгі және резервті жолдары және өрт сөндіруді ұйымдастыру үшін ӨСБ қажетті басқа да берілгендер көрсетіледі.

Өрт бөлімінің бірінші командирі өртке бара отырып сол сәтте балалардың болуын ескеретін жедел кәртішке бойынша мүмкін жағдайды анықтайды, ал өртке келісімен қызмет көрсетуші тұлғалармен байланысып, оқушыларды көшіру және өрт сөндіру бойынша қандай шаралар қолданылғаны туралы сұрастырады, сол сияқты үрейдің болмауын қарастырады.

Өртті барлауда ӨСБ анықтайды: оқушылардың саны мен жасын, қысқа және қауіпсіз көшіру жолдарын және от пен түтін қауіптілігін; балаларды көшіру басталды ма және ол қалай жүріп жатыр; көшіру үшін қызмет көрсетуші тұлғалардан қанша адамды пайдалануға болады.

Оқушыларды алдын ала жасалған көшіру жоспарлары бойынша көшіреді. Мектептерде өрттер пайда болған кезде, оқушыларды сынып жетекшілерімен немесе сабақ өткізіп отырған мұғалімдер көмегімен көшіреді. Сондықтан да өртке келісімен ӨСБ мұғалімдер мен тәрбиелеушілерге және балалардың тез көшірілуіне көмек көрсетуі тиіс, бірінші кезекте кіші жасты балаларға. Оқушыларды көшірудің негізгі жолы саты торлары және стационарлы өрт сатылары болып табылады. Кейбір кезде түтінденген бөлмелерден оқушыларды қауіпсіз жерге шығару үшін ғимараттың өртке қарсы бөлігінде орналасқан түтінденбеген бөлмелерді пайдаланады. Өрт сөндірушілер жанып жатқан және түтінденген бөлмелерден оқушылар мен балаларды өрт сатылары бойынша терезе және балкондар арқылы, құтқару жеңдері және жіптері көмегімен құтқарады.

Көшіріп болғаннан кейін барлық оқушыларды сыныптар бойынша бөледі, тізім бойынша тексереді және жақын арадағы жылы бөлмелерге орналастырады, әсіресе қыста, бұны алдын ала қарастырады және жедел кәртішкелер мен көшіру жоспарында көрсетеді.

Мектептердегі өрттер кезінде ӨСБ сыныптарда және басқа да түтінденген бөлмелерде балалардың қалуын тексеруге міндетті. Бұл кезде шкафтарда және төсектің астында, перделер артында және түрлі жиһаздар артында балалардың бар жоқтығын да тексеру қажет.

Оқушыларды көшіру және көшіру жолдарын қорғауды ұйымдастырумен бір уақытта оттың негізгі таралу жолдары мен өрт ошағына оқпандарды енгізуді қамтамасыз етеді. Мектептерде өртті сөндіру үшін суды, суландырғыштардың сулы ерітінділерін және орташа қысқалықты ауа- механикалық көбікті пайдаланады. Өрттерді сөндіру кезінде суды беру үшін, ереже бойынша, РС-50 және РСК-50 оқпандары қолданылады, ал клубтар, шеберханаларда және спорт залындағы дамыған өрттер кезінде РС-70 оқпандарын береді. Мектептердің химия-физикалық, зертхана, жер асты және қойма бөлмелеріндегі өрттер орташа қысқалықты ауа-механикалық көбік сөндіріледі. Балалар мекемелерінде өрт сөндірудің ең негізгі қиын жағдайы жаңа жыл, шығармашылық кештер, спектакль және басқа да мерекелерді өткізу сәтінде пайда болады. Бұл жағдайда ӨСБ өртке келісімен көшіру жолдарын қорғау үшін автоцистерна және ішкі өрт крандарынан оқпандарды енгізеді және балаларды көшіру шараларын қабылдайды.

Мектепте өрт сөндiрген кезде ӨСБ:

oоқушылардың саны мен жасын анықтауға;

oұстаздармен бiрге балаларды, бiрiншi кезекте кiшi жастағы балаларды жоспарлы түрде және тез көшiрудi ұйымдастыруға;

oқұнды жабдықтарды қорғау немесе көшiрудi қамтамасыз етуге;

oкөшiрiлгеннен кейiн мектеп басшыларынан оқушыларды санап шығуға және мектептiң барлық бөлмелерін, әсiресе түтiндегендерiн ұқыпты қарап шығуды талап етуге мiндеттi.