БОЛАШАҚҚА МҮМКІНДІК – ЖАҢА ӨМІР (ВИДЕО)
Түркістан қаласындағы «Конгресс холл» кешенінде Түркістан облысы Полиция департаментінің ұйымдастыруымен «Болашаққа мүмкіндік – Жаңа өмір» атты форум өтті.
Іс-шараның негізгі мақсаты – бұрын сотты болған азаматтардың қайта қылмыс жасауын алдын алу және олардың қоғамға бейімделуіне жағдай жасау.
Форумға облыс әкімі Н.Көшеров, облыстық мәслихат төрағасы Н.Әбішов, қалалық мәслихат төрағасы Сәрсенбаев Ғаппар,ҚР ІІМ бірінші орынбасары Б.Әленов, Түркістан облысының прокуроры М.Тлеубердиев, Түркістан облысы ПД бастығы М.Қабденов, сондай-ақ мемлекеттік органдар басшылары, зиялы қауым өкілдері мен қоғамдық ұйым жетекшілері мен облыстық және қалалық мәслихат депутаттары қатысты.
Облыс әкімі Н.Көшеров пен ҚР ІІМ бірінші орынбасары Б.Әленов форум жұмысына сәттілік тілеп, бұл бағыттағы шаралардың маңыздылығын атап өтті. Сонымен қатар, Бас имам Е.Төлепов, қоғам қайраткері Б.Смағұл, облыс әкімінің орынбасары Б.Тәжібаев мазмұнды баяндамалар жасап, қоғамда қылмыстың алдын алу үшін себептермен күресу керектігін ерекше атап өтті.
Құқық бұзушылықтың алдын алу – ортақ міндет. Азаматтардың қауіпсіздігін қамтамасыз ету және оларды дұрыс жолға бағыттау – қоғамның басты жауапкершілігі. Форум барысында осы бағытта жаңа бастамалар талқыланып, нақты шешімдер ұсынылды.
