«TURAN CUP-2025» ТУРНИРІНІҢ ЖЕҢІМПАЗДАРЫ АНЫҚТАЛДЫ

«Түркістан қаласында ерекше мәртебе беру» жобасы аясында, футболдан жасөспірімдер арасында дәстүрлі «TURAN CUP-2025» халықаралық турнирінің екінші кезеңі өз мәресіне жетті.
Үшінші рет ұйымдастырылып отырған бұл додада 2011, 2012, 2013, 2014 және 2015 жылдары туған жасөспірімдер өзара бақ сынады. Турнирге жалпы 32 команда қатысып, 536 жас футболшы өз шеберліктерін көрсетті.
Жарыстың қорытындысы бойынша жеңімпаздар анықталып, Түркістан қаласы әкімдігінің Мәдениет, тілдерді дамыту, дене шынықтыру және спорт бөлімінің басшысы Қадырболат Мұсағалиев жүлдегерлерді марапаттап, жас спортшыларға алдағы жарыстарда сәттілік тіледі.
Жеңімпаздар тізімі:
2011 жылғы жасөспірімдер:
• I орын – №3 БЖСМ
• II орын – Алматы облысы
• III орын – Қайрат F1
2013 жылғы жасөспірімдер:
• I орын – Оңтүстік Академия
• II орын – Қайрат F1
• III орын – Aibyn
2015 жылғы жасөспірімдер:
• I орын – Алматы облысы ОФМБЖСМ
• II орын – Legasy
• III орын – Tarlan