«ЕРЛІККЕ ТАҒЗЫМ» АТТЫ КЕЗДЕСУ ӨТТІ
Шымкент қаласы Қаратау ауданы жастар ресурстық орталығы және «Шығармашыл жастар» қоғамдық қорының ұйымдастыруымен Қазақстан Республикасы Тәуелсіздігінің 30 жылдығына орай «Ерлікке тағзым» атты кездесу өтті.
Мақсаты: ерлікке тағзым жасау әрбір азаматтың қасиетті борышы. Осынау кең байтақ жерді дұшпанның көзінен, жаудың бөзінен бекер сақтап қалған емес, келешек ұл-қыздары үшін аманаттап қалды. Олардың ерлігін айтып, ата-бабамыздың батырлық болмысын есте ұстап, онымен мақтану – кез келген ұрпақтың парызы. Бабаның ерлігі ұрпаққа рух береді.
Кездесу тыл ардагері, Шымкент қаласының құрметті азаматы, Арыс қаласының құрметті азаматы Медеуов Шерім атамыз және Орталық Азия инновациялық университеті және Жол көлік колледжі студент жастарының қатысуымен өтті. Кеш кейіпкері жастарға өнегелі сөздерін айтып, батасын берді.
