ҚАЗАҚСТАН РЕСЕЙГЕ АИ-92 БЕНЗИНІН БЕРУІ МҮМКІН
Ресей ішкі нарықтағы жанармай тапшылығын азайту үшін Қазақстаннан 50 мың тонна АИ-92 бензинін сатып алу мүмкіндігін қарастырып жатыр.
Бұл туралы Qaz365.kz хабарлады, төрт дереккөзге сілтеме жасаған Reuters агенттігіне сілтеме жасап. Агенттік мәліметінше, тараптар жанармайды айырбас негізінде жеткізу нұсқасын талқылауда. Яғни Қазақстан Ресейге АИ-92 бензинін берсе, оның орнына авиациялық отын алуы мүмкін.
Қазіргі уақытта Қазақстанда әуе отынына сұраныс артып, Ресейден келетін импорт көлемі азайғандықтан авиациялық жағармай тапшылығы байқалып отыр.
Сарапшылардың айтуынша, жағдайға Ресейдің мұнай өңдеу саласындағы қиындықтар әсер еткен. Маусым айында Украинаның ресейлік мұнай өңдеу зауыттарына жасаған шабуылдарынан кейін бензин өндірісі шамамен 25 пайызға қысқарған. Соның салдарынан Ресейдің кемінде 20 өңірінде жанармай сатуға шектеулер енгізілген.
Дегенмен Reuters дереккөздерінің мәліметінше, Қазақстанның өндірістік мүмкіндігі шектеулі болғандықтан, Ресейге үлкен көлемде бензин жеткізуге қауқары жетпеуі мүмкін.
