ӨЗ ДЕМЕУШІЛІГІМЕН АВТОТҰРАҚ САЛЫП БЕРДІ

ҚР Тәуелсіздігінің 30 жылдығына орай, «30 қайырымды іс» марафоны аясында Шымкент қалалық мәслихатының депутаты, «Nur Otan» партиясы фракциясының мүшесі Мұрат Жолдыхожаев өз демеушілігімен автотұрақ мәселесін шешуге атсалысты.

Шымкент қаласы, Абай ауданы Солтүстік Батыс мөлтек ауданы тұрғындарының, ауыл билерінің өтінішіне орай Өзекті көшесінде орналасқан # 55 бөбекжай-бақшасына автотұрақ салынды. Кездесу барысында тұрғындарға «Nur Otan» партиясының сайлауалды бағдарламасының Шымкент қаласы бойынша көптеген жұмыстар атқарылатын жеткізді. Мөлтек ауданның тұрғындары «Nur Otan» партиясына алғыстарын жеткізіп, ауыл ақсақалдары өздерінің ақ баталарын берді.
«Бұл сауапты, игі істер алдағы уақыттада жалғасын табатын болады», — деді халық қалаулысы.