«ЫБЫРАЙ ОҚУЛАРЫ» ӨТТІ

Түркістан облысы, Ордабасы аудандық адами әлеуетті дамыту бөлімінің ұйымдастыруымен Қазақтың аса көрнекті ағартушы-педагогы, жазушы, этнограф, фольклоршы, қоғам қайраткері Ы.Алтынсариннің 180 жылдығына орай қазақ тілі мен әдебиеті пәні мұғалімдері арасында «Ыбырай оқулары» ZOOM платформасында ұйымдастырылды.

Байқау мақсаты — алғаш қазақ даласына мектеп ашқан, мемлекет қайраткері Ыбырай Алтынсариннің тарихи-әдеби еңбектерін насихаттау, оны зерттеп, терең меңгеруге қызығушылығын ояту аясында шығармашылықпен шұғылданатын педагогтерді ынталандыру, қолдау, озық педагогикалық тәжірибені тарату.

Ыбырай оқулары 4 бағыт бойынша жүргізілді:
«Даланың дара ұстазы …» ақындар байқауы, » Ыбырай салған сара жол» ғылыми-зерттеу жұмысы, «Ыбырай Алтынсариннің қалдырған ізі мәңгілік өшпес», т.б. шығармашылығы жайлы мақала жазу байқауы, «Қазақ көгіндегі шамшырақ» эссе байқауы бойынша өткізілді.