195 миллион адам жұмыссыз болып қалады
Халықаралық Еңбек Ұйымы коронавирус індетінің асқынуына байланысты осы жылдың алғашқы шжартысында 195 миллион адам жұмысынан айрылып қалуы мүмкін екендігін жеткізді.
Бүгін үкімет отырысында ҚР денсаулық сақтау министрі Елжан Біртанов коронавирус індеті бойынша жағдайды баяндады.
Өткен тәулікте 140 жаңа науқас тіркелді. Өсім деңгейі 14,7 пайызды құрады. Оның ішінде ең үлкен көрсеткіш — Алматы қаласында — 106, өсім деңгейі — 64%, Қарағанды облысында — 12, өсім деңгейі — 18%, Нұр-Сұлтан қаласында — 9, өсім деңгейі — 3,6% болды, — деді Елжан Біртанов.
Оның айтуынша, қазір 939 науқас стационарда жатыр, олардың ішінде 57 бала бар.
Науқастардың 82 пайызының жағдайы тұрақты, 770 науқас жеңіл жағдайда, 151 адамның хәлі орташа, 18 науқас ауыр жағдайда жатыр. Сегіз адам жасанды тыныс алдырту аппаратына қосылған. Жансақтау бөлімінде он алты адам емделіп шыққан. Соңғы тәулікте үш адам реанимациядан жалпы палатаға ауыстырылды, — деді министр.
Қазақстанда коронавирус жұқтырғандар саны 1091 адамға жетті.
