Шымкенттік полицейлер несие рәсімдеп, алдап кеткен азаматты анықтады

2021 жылдың 23-қыркүйегінде Абай АПБ-ның «102» нөміріне Шымкент қаласының тұрғыны арызданған. Онда, белгісіз тұлға ұялы телефонмен хабарласып, өзін банк қызметкері ретінде таныстырып, банк бағдарламасын жүктеуді ұсынып, оның атынан ақпараттық жүйені пайдалана отырып, 500.000 теңгеге онлайн түрде несие алғанын көрсеткен.
Абай АПБ Криминалдық полиция бөлімінің қызметкерлерімен жедел-іздестіру іс шараларын жүргізу барысында жергілікті жердің тұрғыны анықталып, ұсталды. Ұсталған азаматтың басқа да қылмыстарға қатыстылығы анықталуда. Тексеру амалдары жүргізілуде.