30 ЖЫЛДЫҢ ІШІНДЕ ҚАЗАҚ ХАЛҚЫ ҚАЛАЙ ӨСТІ?

1999 жылы Қазақстанда алғашқы халық санағы өтті. Оған сәйкес, республикада 14 миллион 953 мың адам тұрған.

Бұдан он жыл бұрын өткен бүкілодақтық санақ кезінде 16 миллион 400 мың адам тіркелген. Осылайша, тәуелсіздіктің алғашқы жылдары халықтың саны азайды. Алайда қазақтардың үлесі арта түсті. Шетелдегі қандастар да көп келді. Осы уақытқа дейін миллионнан астам этникалық қазақ атамекеніне оралды.

Биыл Қазақстан халқының саны 19 миллионнан асты. Қазақтардың үлесі 70 процентке жетті. Дегенмен, елдің полиэтникалық құрамы сақталып отыр. Қазақ жерінде 100-ден астам ұлт пен ұлыс бар.