ТӘУЕЛСІЗДІК — АТА-БАБАЛАР АҢСАҒАН КҮН
Қазақ халқы Тәуелсіздікті ерте кезден-ақ аңсады. Бұған бостандық алу жолындағы ата-бабаларымыздың күрес жолы куә.
Алла Тағала Тәуелсіздігімізді баянды етсін!
Бірер күннен кейін Тәуелсіздік күні. Егемен ел болғынымызға 30 жыл ! Жалпы, Тәуелсіздіктің отыз жылын үш онжылдыққа бөліп қарастыруға болады. Әр онжылдықтың өз миссиясы болды. 1991-2001 жылдар аралығы Тәуелсіз Қазақстанның іргетасын қалауға жұмсалды. 2001-2011 жылдарда іргетасы қаланып біткен елдің керегесін кеңейту жұмыстары жүргізілді. Ал, 2011-2021 жылдар өсіп-өркендеу жолына арналды. Қазақта «Елу жылда ел жаңа» деген қанатты сөз бар. Келесі онжылдықта Қазақстан 30 жылдықтағы орын алған барлық кемшіліктерді түп-тамырымен жойып, халықтың әл-ауқатын шынайы дамыту жолына түссін деп тілейік. Тәуелсіздіктің 50 жылдығында еліміз білімі мен ғылымы дамыған, әлеуетті артқан, экономикасы мықты елге айналуы тиіс.
Дәурен Болыс.
