АУДАННЫҢ ТАЗАЛЫҒЫ БАСТЫ НАЗАРДА

Қала әкімінің қала аумағында тазалық жұмыстарын жүйелеу жөніндегі тапсырмасына сәйкес, Қаратау ауданында тазалық жұмыстары тұрақты жүргізілуде.

Ауданның ішкі орам көшелері мен аулаларының тазалығын ұйымдастыру, көшелерді жуу, күл-қоқыстарын шығару, ирригациялық жүйелер мен бордюрлер жанын тазалау, т.б. механикалық жұмыстары «Жасыл жер» мердігер мекемесі атқарады.

Бұл жұмыстарға 45 бірлік мамандандырылған техника және 150 жұмысшы жұмылдырылған.

Әр тұрғын өз ауласынан бастап туған жерін абаттандыруға үлесін қоса алады. Қаланың тазалығы үшін тиісті мекеменің қызметкерлері ғана емес, тұрғындар да жауапты екенін есте сақтайық. Сүйікті қаламыздың тазалығын сақтауға бірге атсалысайық.