Без рубрики
АҚТАУ ӘУЕЖАЙЫНДА ШЕТЕЛДІК АЗАМАТТЫҢ АСҚАЗАНЫНАН 114 КАПСУЛА ОПИЙ ТАБЫЛДЫ!
Ақтау әуежайында шетел азаматы есірткіні жұтып, жасырын алып өтпек болған. Тексеру кезінде оның денесінен жалпы салмағы шамамен 1 келі болатын 114 капсула опий табылды. Оқиға бойынша тергеу басталды.
Ақтау халықаралық әуежайында ірі көлемдегі есірткі тасымалының жолы кесілді. Шетел азаматы есірткіні ерекше тәсілмен жасырып, Қазақстан аумағына алып өтпек болған.
Құзырлы органдардың мәліметінше, күдікті азамат тексеру барысында ұсталған. Арнайы медициналық тексеру кезінде оның асқазанынан есірткі салынған 114 капсула табылды. Тәркіленген заттың жалпы салмағы шамамен 1 келі опий екені анықталған. Алдын ала мәлімет бойынша, есірткі капсулалары жұту арқылы тасымалданған. Мұндай тәсіл адам өміріне де аса қауіпті екені айтылуда. Қазіргі таңда аталған дерек бойынша қылмыстық іс қозғалып, тергеу амалдары жүргізіліп жатыр. Құқық қорғау органдары есірткінің заңсыз айналымына қарсы күрес күшейтілгенін атап өтті.
