ТҮРКІСТАНДЫҚ ЖҮЗУ ШЕБЕРЛЕРІ ЖАСТАР АРАСЫНДАҒЫ ҚАЗАҚСТАН ЧЕМПИОНАТЫНДА 5 МЕДАЛЬ ҚАНЖЫҒАЛАДЫ
Алматыдағы Олимпиадалық даярлау орталығының спорттық базасында 15-18 қазан күндері жүзуден жастар арасында Қазақстан чемпионаты өтті.
Елшілік додаға 2006 жылы туған және одан кіші жасөспірімдер құрамасының ең мықты жүзушілері қатысты. Су айдынындағы бәсекеге 25 команда 284 спортшы түрлі бағдарламалар бойынша үздік медальдар үшін сайысқа түсті.
Жарыс қорытындысында Түркістан облысының спортшылары табысты өнер көрсетті. Өңір мерейін асқақтатқан спортшылардың дені облыстық су спорт түрлерінен Олимпиада резервінің мамандандырылған балалар-жасөспірімдер спорт мектебінің шәкірттері. Олардың еншісінде 3 алтын, 1 күміс және 1 қола медаль бар. Жүлде салған спортшылар қатарында Дария Токтобаева 200-400 метр қашықтыққа кешенді жүзуден және 200 метр арқамен жүзуде қарсыластарын қапы қалдырып, алтыннан алқа тақса, Сондай-ақ, 400 метр еркін жүзуде екінші болды.
Қосай кетейік, ел чемпионатында жүлде салған тығы бір жерлесіміз Шыңғысхан Балабек. Қаратөбе ауылының тумасы 1500 метрге еркін жүзуде қолаға қанағат етіп, Қазақстан Республикасының спорт шеберіне үміткер атанды. Айта кетейік ел біріншілігінде үздік атанғандар 28 қазан мен 4 қараша аралығында Сингапурда өтетін әлем чемпионатына қатысады.
Облысыс мақтаныштары София Сподаренко 50 метр қашықтыққа баттерфляй және Аделаида Пчелинцева 50 метрге брасс әдісімен жүзуден осы ірі Халықаралық жарысқа жолдама алды.
Енді Түркістан облысының құрамасы Венгрияның Будапешт қаласында аға жаттықтырушы Жанас Шалдарбеков пен Қазақстанның еңбек сіңірген жаттықтырушысы А.Смолеевтің жетекшілігімен әлем чемпионатына және Қазақстанның қысқы чемпионатына дайындықты бастайды. Жерлестерімізге сәттілік серік болсын!
Біз бар жерде – жеңіс бар!
