Шымкенттік полицей — жауынгерлік джиу-джитсудан Әлем чемпионы

Қазақстан Республикасының жауынгерлік джиу-джиутсудан құрама командасының мүшесі Шымкент қаласы Полиция департаментінің қызметкері полиция майоры Ғалымжан Бақытұлы Қатбаев 2021 жылғы 10-18-қыркүйек аралығында Біріккен Араб Әмірлігінің астанасы Абу-Даби қаласында өткен Азия чемпионатына 26 мемлекеттен 480 спортшы қатысып, ІІ-орынды иемденіп, командалық жалпы есепте Қазақстан Республикасы ІІ-орынды иеленді.
Сонымен қатар, полиция майоры 2021 жылғы 17-24-тамыз аралығында Украина мемлекетінің астанасы Киев қаласында өткен Әлем чемпионатының шаршы алаңында сайысқа түсті. Аталған чемпионатқа 25 мемлекеттен 250 спортшы қатысып, ІІ-жүлделі орынды жеңіп, командалық жалпы есепте Қазақстан Республикасы І-орынды жеңіп алды.
Халықаралық дәрежедегі спорт шебері Ғалым үздіксіз жауынгерлік джиу-джитсумен айналысып, салауатты өмір салтын ұстанады. Көпке үлгі, 4 баланың әкесі Ғалымжан Қатбаев бос уақытын отбасы ортасында өткізгенді жақсы көреді.
Еске салсақ, Халықаралық дәрежедегі спорт шебері полиция майоры Ғалымжан Бақытұлы 2018-2019 жылдар аралығында жауынгерлік джиу-джиутсудан Әлем және Азия чемпионы, әскери самбодан Әлем кубогының жүлдегері. Полиция майорын кезекті жеңісімен құттықтаймыз! Ғалымжандай Әлем чемпионы Шымкент қаласы Полиция департаментінде қызмет атқаратынына әріптестері мақтан етеді.