ТҮРКІСТАНДА «ШАЙБАЛЫ ХОККЕЙДЕН» ФЕДЕРАЦИЯ КУБОГІ САРАПҚА САЛЫНУДА
Түркістан қаласында орналасқан Мұз Сарай спорт кешенінде U-10,U-20 жасқа дейінгі жасөспірімдер арасында (2015,2016 ж.) «Шайбалы хоккейден» Федерация кубогы республикалық турнирі өтуде.
Айтулы жарыс 28 қазан мен 01 қараша арылығына жоспарланған. Хоккейшілер бәсекесіне елімізден жалпы 9 команда 123 спортшы қатысып, өзара бас жүлдеге таласуда.
Жоғары деңгейде ұйымдастырылған сайыстың ашылу рәсімінде Түркістан облысының дене шынықтыру және спорт басқармасының уақытша міндетін атқарушы Алмасбек Нақыпбеков пен Түркістан облысының қысқы спорт түрлері мектебінің директоры Данияр Исабаев және жарыстың бас төрешісі Мағжан Калам құттықтау сөз сөйлеп, жарысқа қатысушы командаларға сәттілік тіледі.
Айта кетейік, дүбірлі додада Астана қаласының «Барыс 2», Өскеменнің «Торпедо», Алматы қаласының «Алма-Ата», Ташкент қаласының «Хумо», Алматы қаласының «Динамо 1», Шымкент қаласының «Торнадо», Астана қаласының «Барыс 3», Алматы қаласының «Динамо 3», Түркістан облысының «Сарымақ» командалары келіп, өзара шеберліктерін байқауда.
