АИТВ/ЖИТС-ТІҢ АЛДЫН АЛУ МАҚСАТЫНДА СЕМИНАР-ТРЕНИНИГ ӨТТІ
Шымкент қаласы ішкі саясат және жастар істері жөніндегі басқармасының «Жастары ресурстық орталығы» КММ-нің Еңбекші ауданы мамандарының ұйымдастыруымен АИТВ/ЖИТС-тің алдын алу мақсатында семинар-тренинг өткізілді.
Семинар-тренинқа «ЖИТС-тің алдын алу және оған қарсы күрес жөніндегі орталығының» маманы Назира Жүргенбаева және «Жеңіл өнеркәсіп және сервис колледжі» студенттері қатысты.
Тренинг барысында «ЖИТС-тің алдын алу және оған қарсы күрес жөніндегі орталығының» маманы Назира Жургенбаева өз баяндамасында жастарға АИТВ/ЖИТС-тің әлемдегі, республикадағы, облыстағы және аудандағы індеттік ахуалы, эпидемиологиясы, алдын алу шаралары жөнінде ақпараттар беріп өтті. Сондай ақ, шағын топтармен жұмыс жасап, талдау сұрақтары арқылы АИТВ/ЖИТС жөнінде білім деңгейлері тексеріліп, әр түрлі ойындар арқылы жастарға бұл індеттен аулақ болуы жайында түсіндірме жұмыстары жүргізілді.
