KCELL ТАЯУ ШЫҒЫСТАҒЫ АБОНЕНТТЕРІНЕ ТЕГІН РОУМИНГ-ПАКЕТ ҰСЫНАДЫ
Таяу Шығыс аймағындағы күрделі жағдайға байланысты Kcell және activ брендтерінің иесі — Kcell компаниясы өз абоненттеріне қолдау шарасын жариялады.
Компания Иран, Иордания, Біріккен Араб Әмірліктері, Сауд Арабиясы, Катар, Кувейт, Ливан, Бахрейн және Израиль аумағында жүрген қазақстандықтарға тегін роуминг-пакет ұсынатынын мәлімдеді.
Жеңілдік аталған мемлекеттерде жүрген абоненттерге қатысты: Иран, Иордания, Біріккен Араб Әмірліктері, Сауд Арабиясы, Катар, Кувейт, Ливан, Бахрейн және Израиль.
Тегін роуминг-пакет аясында абоненттерге 1 ГБ интернет-трафик, кіріс қоңырауларға, Қазақстанға жасалатын қоңырауларға және сол ел аумағындағы қоңырауларға 10 минут беріледі. Пакет іске қосылған сәттен бастап 7 күнтізбелік күн бойы жарамды. Егер абонентте бұрыннан қосылған роуминг-пакеттер болса, бонус ретінде берілген трафик пен минуттар басымдық тәртібімен пайдаланылады.
Бұл қолдау шарасы 2026 жылғы 1 наурыздан бастап автоматты түрде іске қосылады. Абоненттерге қосымша өтініш беру немесе арнайы қызметті қосу талап етілмейді.
Компания басшылығы қиын кезеңде байланыссыз қалудың үлкен тәуекел екенін атап өтті. Басқарма төрағасы Асқар Жамбакин мұндай жағдайда клиенттердің жақындарымен хабарласа алуын қамтамасыз ету — басты міндет екенін жеткізді.
Kcell өкілдерінің мәлімдеуінше, компания аймақтағы ахуалды бақылауда ұстап отыр. Қажет болған жағдайда абоненттердің үздіксіз байланысын қамтамасыз ету үшін қосымша қолдау шаралары қабылданады.
