ТҮЛКІБАС АУДАНЫНДА ТРАНСШЕКАРАЛЫҚ КАОМАНДАЛЫҚ-ШТАБТЫҚ ОҚУ-ЖАТТЫҒУ ӨТТІ
Оқу-жаттығу барысында табиғи өрттің елді мекендерге өту қауіпін ескерумен төтенше жағдай орын алған аймаққа жақын орналасқан елді мекендегі халықты құлақтандыру, адамдарды қауіпсіз аймаққа көшіру және жинау пунктерінің жұмысын ұйымдастыру, табиғи өртті сөндіруге қатысушы жергілікті атқарушы органдардың ерікті өртке қарсы құрылымдарының, ормандар мен жануарлар дүниесін қорғау жөніндегі мемлекеттік мекемесінің орман өрт сөндіру командаларының және азаматтық қорғау органдары бөлімшелерінің іс-әрекетін табиғи өрттерді сөндіру алгоритмге сәйкес жүргізілуін қамтамасыз ету бойынша сұрақтар пысықталды. Жамбыл облысымен трансшекаралық аумақта шартты табиғи өрттерді сөндіру бойынша оқу-жаттығуға барлығы 112 адам және облыстық қызметтердің 28 арнайы техникасы жұмылдырылды.
Эвакуациялық іс-шаралар — бейбіт уақытта және соғыс кезінде азаматтық қорғаныс бойынша санаттарға жатқызылған ұйымдардың жұмыскерлерін бөліп орналастыру, қалалар мен төтенше жағдайлар аймақтарынан халықты және материалдық құралдарды көшіру. Эвакуациялау шараларынан бұрын тұрғындарды құлақтандыру жүзеге асырылады. Төтенше жағдайлар туындау қатері төнген немесе туындаған кезде дабылдамалар немесе басқа да құралдар арқылы айтылатын «Баршаның назарына!» деген құлақтандырудың бірыңғай дыбысты сигналын естіген кезде тұрғындар теледидарды немесе радиоқабылдағышты қосып, таратылатын ақпаратты тыңдаулары тиіс. Дабыл даусын естіген бойда әрі қарай жасалатын іс-қимыл тәртібі туралы ақпарат алу үшін теледидар немесе радио толқынына қосу қажет. Сондай-ақ, ақпарат тарату ұялы байланыс операторларының желісі бойынша ұялы телефондарға мәтіндік хабарлама жіберу арқылы, адамдар жаппай болатын орындарда ақпараттық терминалдарды қолдану, бұқаралық ақпарат құралдарына мәтіндік хабарлама шығару арқылы да жүзеге асырылады. Құлақтандыру әрбір нақты жағдайда, жергілікті жерге байланысты барлық қолда бар байланыс құралдарын қолдану арқылы жүзеге асады.
Эвакуация туралы дабылды естігіннен кейін тұрғындар ғимараттан шығарда терезені жауып, электр аспаптарын және газды сөндіруі қажет. Құжаттарды, ақша, дәрі қобдишасы, жеке заттары, тыныс алу органдарын жеке қорғау құралдары (бар болса газтұтқыш немесе мақта, дәке, матадан жасалған өзге де таңғышты) және екі-үш күндік бұзылмайтын тамақ қорын алып, хабарламада айтылған жерге жетуі керек. Үйден шығарда туыстарыңызға, көршілеріңізге және басқа тұрғындарға қабылданған ақпаратты жеткізіңіз.
Эвакуацияланатын халықты жинауға, тіркеуге және оны қауіпсіз аумаққа жіберу үшін сайлау учаскелерінің принципі бойынша тұрғындарды бекіте отырып жинау эвакуациялық пункттері құрылған. Жинау эвакуациялық пунктіне келгеннен кейін тұрғындар әкімшіліктің нұсқауларына құлақ салуы керек, тіркеуден өтіп, көлікке отырғызу немесе жаяу лек құру және қозғалыс маршрутын білуі тиіс. Отырғызатын орынға ұйымдасқан түрде отырғызуға жауапты адамның басшылығымен қозғалу керек. Жаяу колонна (автоколонна) құру кезінде колонна басшысының командасымен өз орнын табуы тиіс.
Қозғалыс барысында колонна басшысы хабарлаған тәртіпті қатаң сақтау, жаяу жүру барысында аялдау орындарында және аралық пункттерде марш тәртібін сақтауы қажет.
Бүркену және өрт қауіпсіздігі шараларын сақтау, көлікпен жүру барысында колонна басшысының рұқсатынсыз көліктен шықпауы керек. Көлікпен эвакуацияланғанда өзімен алып шығатын заттардың жалпы салмағы ересек адам үшін 50 келіден аспауы тиіс. Жаяу эвакуацияланғанда әрбір адам өзімен бірге көтеріп жүре алатын азық-түлік пен заттарын алып шығуына болады.
