ТЕҢГЕ ҚАЙТА НЫҒАЙДЫ. ДОЛЛАР ҚАНШАДАН САТЫЛЫП ЖАТЫР?
Дүйсенбі күні теңге жұмадағы әлсіреуден кейін қайта нығайды. Қазақстан қор биржасында (KASE) доллардың орташа бағамы 451,13 теңге болды. Бұл жұма күнгі көрсеткіштен 2,83 теңгеге төмен. Ақша айырбастау орындарында да АҚШ валютасының сату бағамы арзандады.
Биржадағы сауда барысында доллар 449,74–453,25 теңге аралығында сатылды. Сауда көлемі 311,6 миллион долларды құрап, оған 32 банк қатысты.
Еуроның орташа бағамы да төмендеді. Бір күнде 5,04 теңгеге арзандап, 504,66 теңгеге жетті. Ал рубль керісінше, 0,02 теңгеге қымбаттап, 5,37 теңгені құрады.
Алматыдағы ақша айырбастау орындарында кешкі уақытта доллар 450–450,70 теңгеден сатып алынып, 451,50–452 теңгеден сатылды. Еуроның сатып алу бағамы 503–505 теңге, сату бағамы 506–508 теңге аралығында болды. Рубль 5,15–5,22 теңгеден сатып алынып, 5,25–5,27 теңгеден сатылды.
Астанада доллар 446 теңгеден сатып алынып, 453 теңгеден сатылды. Еуроның сатып алу бағамы 499 теңге, сату бағамы 509 теңге болды. Ал рубль 5,15 теңгеден сатып алынып, 5,35 теңгеден сатылды.
Дүйсенбі күні таңертең доллардың сату бағамы бұдан жоғары болған. Алматыда ол орта есеппен 454,39 теңгеге, ал Астанада 455,99 теңгеге дейін жетті. Кешке қарай валюта бағамы төмендеді.
Еске салайық, 9 қазан, жұма күні KASE биржасында доллар бір күнде 4,09 теңгеге қымбаттап, 453,96 теңгеге жеткен еді. Осылайша, екі сауда күнінің қорытындысында АҚШ валютасы 6,75 теңгеге өскен.
