БЕЛГІЛІ САЗГЕР АСҚАР МАМЫРБАЙ СҮЙІНШІ ЖАҢАЛЫҚПЕН БӨЛІСТІ

«Қазақ бәйгеге ұланын қосқанда, тақымын қысып отыратыны анық. Бәйгеден озса, бөркін аспанға атып, шын қуанған. Өткен олимпиада жарыстарында да тақымымызды қыса- қыса жауыр болды. Қоланы қанағат тұтып, көштің соңында келдік. Соның өзінде жеңімпаздар елге танылды, тиесілі марапаттарын алды… Олимпиадаға кеткен есемізді қайсар ұлдарымыз әлемдік сайыстарда қайтарып жатыр. Солардың бірі — Шымкенттің тұрғыны, Түркістан облысы, Келес ауданының тумасы Қасымбаев Қалдар.

Бөркіңді аспанға үш рет атсаң болады, қазақ! Өйткені, кеше ғана Киев қаласында аяқталған Жиу- Житсу сайысында Қалдар алтын медалді жеңіп алып, әлемнің үш дүркін чемпионы аталды! Қуанарлыққа, мақтанарлыққа тұратын жеңіс! Алайда облспорт, қалалық басқарма да, қоғам да тым- тырыс! Сүйіншілеу маған бұйырған тәрізді. Бұл да бір ғанибет!

Қалдар інімізді құттықтай отырып, ел билеген азаматтар мен қоғамға құлаққағыс: кім көрінген кеудесіне тағып жүрген ордендер мен құрметті азамат атағы осындай, елдің даңқын асырып жүрген азаматтарға ылайық деп ойлаймын! Жеңістеріміз жалғасын тапқай!», — деді сазгер.