Без рубрики
ДЕПУТАТТЫҚҚА ҮМІТКЕРЛЕРДІ ҰСЫНУ НАУҚАНЫ ТОҚТАДЫ: ПАРТИЯЛАРДЫҢ БЕЛСЕНДІЛІГІ ҚАНДАЙ?
Қазақстанда депутаттыққа кандидаттарды ұсыну науқаны ресми түрде аяқталып, Орталық сайлау комиссиясы 7 саяси партиядан құжаттар қабылдауды қорытындылады.
ОСК хатшысы Шавхат Өтемісовтің мәлімдеуінше, ұсынылған барлық құжаттар үміткерлердің заң талаптарына сәйкестігін тексеру үшін құзырлы мемлекеттік органдарға жолданды.
Бұл додаға қатысуға ниет білдірген үміткерлердің жалпы саны — 546 адам. Ең үлкен тізімді 186 кандидатпен «Әділет» партиясы ұсынса, одан кейін «Respublica» (76), Қазақстан халық партиясы (72), «Ауыл» (69), «Ақ жол» (63) және «Байтақ» (47) партиялары орналасты. Ал ең аз көрсеткіш ЖСДП партиясына тиесілі — 33 кандидат.
Ендігі кезекте ОСК мен құзырлы органдар үміткерлердің заң талаптарына сәйкестігін, соның ішінде партиялық тізімдердегі әйелдер, жастар және ерекше қажеттіліктері бар азаматтарға арналған 30 пайыздық квотаның сақталуын тексереді.
