Без рубрики
БАЙҚОҢЫРДАН ХАЛЫҚАРАЛЫҚ ЭКИПАЖЫ БАР «СОЮЗ МС-29» КЕМЕСІ ҰШЫРЫЛДЫ
Байқоңыр ғарыш айлағынан «Союз-2.1а» зымыран тасығышы сәтті ұшырылып, орбитаға халықаралық экипаж отырған «Союз МС-29» пилотаждық ғарыш кемесін жеткізді.
Ғарыш кемесінің бортында «Роскосмос» ғарышкерлері Петр Дубров пен Анна Кикина, сондай-ақ АҚШ-тың NASA ғарыш агенттігінің астронавты Анил Менон бар. Халықаралық экипаж Халықаралық ғарыш станциясында ғылыми зерттеулер жүргізіп, бірқатар техникалық және биомедициналық бағдарламаларды жүзеге асырады.
Жоспарға сәйкес, экипаж орбитада 261 күн болып, осы уақыт ішінде ондаған ғылыми тәжірибе мен зерттеу жұмыстарын атқарады. Миссия аяқталғаннан кейін ғарышкерлер Жерге «Союз» кемесімен оралады.
Айта кетейік, Байқоңыр ғарыш айлағы әлемдегі ең ірі әрі тарихи маңызы зор ғарыш кешендерінің бірі саналады. Бұл жерден халықаралық ғарыш бағдарламалары аясындағы көптеген пилотты және жүк тасымалдаушы ғарыш аппараттары тұрақты түрде ұшырылып келеді.
