ЖЕЛТОҚСАНШЫ ЖАСТАРҒА АҚЫЛЫН АЙТТЫ

Шымкент қалалық білім басқармасына қарасты А.Байтұрсынов атындағы N50 мектеп- гимназиясы Тәуелсіздіктің 30 жылдығына арналған 30 іс -шара жоспары аясында желтоқсан оқиғасына қатысушы С.Исабековпен 9-11 сынып оқушыларымен кездесу ұйымдастырды.

Кездесу барысында желтоқсаншы жастар туралы оқиғаға байланысты болған жайттарды баяндады. Оқушылар кездесуден жақсы әсер алды.

— Ел үшін қолдан келгенше еңбек етіп жатырмыз. Біздің басымыздан өткізген қиын кезеңдерді қазіргі жас буын көрмесе екен деп тілеймін. Бүгінде тәуелсіздіктің арқасында көп нәрсеге қол жеткіздік. Осылай емін-еркін отырғанымыз да тәуелсіздіктің жемісі. Алдарыңа үлкен арман-мақсат қойыңдар. Елге, жерге адал қызмет етіңдер! — деді өз сөзінде С. Исабеков.