Қоғам
ШЫМКЕНТТЕ ЖАЛҒАН ШОТ-ФАКТУРА ЖАЗҒАН КОМПАНИЯ ДИРЕКТОРЫ СОТТАЛДЫ
Бұл жағдай прокуротураның тексерісінен кейін анықталған.
Шымкент қаласының прокуротурасы салық заңнамасының сақталуына және көлеңкелі экономикаға қарсы тұру саласындағы заңдылықтың сақталуына тексеріс жүргізген.
Тексеріс барысында «А» ЖШС құрылыс компаниясы ешқандай жұмыстарды орындамай, құжатта көрсетілген тауарларды жөнелтпей жалған шот-фактура жазған фактілері анықталған.
Одан бөлек, компания өз жұмысшыларына зейнетақы, әлеуметтік және жеке табыс салығын төлемеген.
Салдарынан мемлекетке 640 млн теңге залал келген.
Сот үкімімен ЖШС директоры кінәлі деп танылып, айыпталушыға 3 жыл бас бостандығынан айыру жазасы тағайындалды.
