Без рубрики
ҮКІМЕТ ҚҰРЫЛТАЙ АЛДЫНДА ӨКІЛЕТТІГІН ТОҚТАТАДЫ
Қазақстанда жаңа конституциялық өзгерістерге сәйкес Үкіметтің өкілеттігі Құрылтай алдында тоқтатылатын болады.
Бұл норма жаңа Конституцияның 69-бабында бекітілген. Депутат Айдос Сарымның айтуынша, «Қазақстан Республикасының Құрылтайы және оның депутаттарының мәртебесі туралы» Конституциялық заң 1 шілдеден бастап күшіне енеді. Осы өзгеріске байланысты бірқатар саяси-құқықтық қайта жаңғырулар жүзеге аспақ. Атап айтқанда, жаңа заңның қабылдануына орай «Парламент және оның депутаттарының мәртебесі туралы» қолданыстағы заң өз күшін жояды. Сарапшылардың пікірінше, бұл өзгерістер мемлекеттік билік тармақтарының жұмысын жаңаша жүйелеуге және Құрылтай институтының рөлін күшейтуге бағытталған.
