Без рубрики
ТРАМП ПУТИН МЕН ЗЕЛЕНСКИЙДІ ТАҒЫ ДА БІТІМГЕ ШАҚЫРДЫ
АҚШ президенті Дональд Трамп Украина президенті Владимир Зеленскиймен де, Ресей президенті Владимир Путинмен де қарым-қатынасы жақсы екенін айтып, екі тарапты тағы да соғысты тоқтатуға үндеді.
Трамптың айтуынша, оның басты тілегі – Ресей мен Украина арасындағы қақтығыстың аяқталуы.
«Олардың соғысты тоқтатқанын қалаймын. Бар болғаны осы. Екеуімен де қарым-қатынасым жақсы. Екеуіне де айтарым: «Соғысты тоқтатыңдар»», – деді АҚШ президенті.
Трамп бұған дейін де Ресей мен Украина арасындағы соғысты дипломатиялық жолмен аяқтау қажет екенін бірнеше рет мәлімдеп, тараптарды бейбіт келіссөздерге шақырған болатын.
