Без рубрики
ТОҚАЕВ АРМЕНИЯ БАСШЫЛАРЫН ТӘУЕЛСІЗДІК КҮНІМЕН ҚҰТТЫҚТАДЫ
Мемлекет басшысы Қасым-Жомарт Тоқаев Арменияның Тәуелсіздік күніне орай Президент Ваагн Хачатурян мен Премьер-министр Никол Пашинянға құттықтау жеделхатын жолдады.
Құттықтауында Мемлекет басшысы Армения тәуелсіздігінің 35 жылдығын елдің ұлттық бірлігі мен жасампаз рухын айшықтайтын маңызды тарихи дата ретінде атап өтті.
Қасым-Жомарт Тоқаев Қазақстан мен Армения арасындағы мемлекетаралық ықпалдастық пен стратегиялық серіктестік одан әрі нығая беретініне сенім білдірді.
«Қазақ-армян ынтымақтастығы ойдағыдай өрбіп, бірлескен күш-жігердің арқасында мән-мазмұны толығып келеді. Бұл елдеріміз арасындағы достық пен стратегиялық серіктестік рухына сай. Қазақстанның Армениямен сан қырлы байланысты күшейтуге ниетті екенін растаймын», – деп жазылған жеделхатта.
Мемлекет басшысы Армения басшыларына мемлекеттік қызметінде табыс, ал достас армян халқына бақ-береке тіледі.
