ӨЗГЕШЕ ФОРМАТТА ӨТКЕН СЕНБІЛІК

Демалыс күндері Шымкенттегі Әл-Фараби ауданында сенбілік жұмыстары өзгеше форматта өтті. Әдетте аулаларда тазалық жұмыстары жүргізілсе, бұл жолы балалар алаңшасы орнатылды.

Әл-Фараби ауданының әкімі @mynbaev_rashid ескі шаһар тұрғындарымен кездесуінде балалар алаңшасын орнатып беруге уәде берген болатын. Ауданның демеушілерімен келіссөздер жүргізіліп, ескі шаһарға ойын элементтері қойылды.

Аудан әкімдігі қызметкерлері мен тұрғындардың бірлігінің арқасында біршама жұмыстар атқарылды. Белгіленген жердің ең алдымен қоқысы шығарылды. Содан соң, тазалық жұмыстары жүргізіліп, техника көмегімен тегістелді. Аулаға ойын элементтері орнатылып, сырлау жұмыстары жүргізілді.