Без рубрики
450 МЫҢҒА ЖУЫҚ БАЛАҒА МЕКТЕПКЕ ДАЙЫНДАЛУ ҮШІН ҚАРЖЫЛАЙ КӨМЕК БЕРІЛЕДІ
Қазақстанда жаңа оқу жылы қарсаңында әлеуметтік осал санаттағы отбасылардың балаларына мектепке дайындалу үшін қаржылай көмек көрсетіледі.
2026 жылғы 1 тамыз бен 30 қыркүйек аралығында мектеп формасын, аяқ киім мен оқу құралдарын сатып алуға арналған мемлекеттік қолдау шамамен 450 мың баланы қамтиды.
Бұл мақсатқа жергілікті бюджеттерден шамамен 23 млрд теңге бөлінген.
Ресми мәліметке сәйкес, бір балаға берілетін көмектің ең төменгі мөлшері 50 851 теңгені құрайды. Кейбір өңірлерде төлем көлемі жергілікті мүмкіндіктерге қарай бұдан да жоғары болуы мүмкін.
Аталған қолдау шарасы аз қамтылған және әлеуметтік осал санаттағы отбасылардың балаларын жаңа оқу жылына толыққанды дайындауға бағытталған.
