Без рубрики
ҚАЗАҚСТАНДА АСТАНА ЕСІМДІ 26 АДАМ ТҰРАДЫ
Ұлттық статистика бюросы Астана қаласына қатысты қызықты статистикалық деректерді жариялады.
Ресми мәліметке сәйкес, 2026 жылғы 1 маусымдағы жағдай бойынша елорда халқының саны 1 миллион 674 мың 699 адамға жеткен.
Статистикаға сүйенсек, Астанада әйелдер саны ер азаматтарға қарағанда көп. Қалада 884 мың 29 әйел және 790 мың 670 ер адам тұрады.
Сонымен қатар бюро көпшіліктің қызығушылығын тудырған тағы бір мәліметпен бөлісті. Бүгінде Қазақстанда Астана есімді 26 адам өмір сүреді.
Айта кетейік, елорда халқы жыл сайын артып келеді. Астана бүгінде еліміздің ірі саяси, экономикалық және мәдени орталықтарының біріне айналған.
