Қоғам
ӘЛЕМДІК КӨШБАСШЫ КОМПАНИЯ ТҮРКІСТАНДА ТОҢАЗЫТҚЫШ ШЫҒАРУДЫ БАСТАДЫ (ВИДЕО)
Тоңазытқыш шығарудан әлемде көш бастайтын компания Түркістанда жаңа зауытын іске қосты.
Өндіріс орны Сауран ауданындағы Шағын өнеркәсіптік паркте орналасқан. Жасыл Суық Қазақстан деп аталатын зауыттың ашылуына облыс әкімі Нұралхан Көшеров пен «UBC Group» президенті Игорь Гуменный қатысты.
Әлемдік көшбасшы компания өндіріс орындарын Қазақстанда орналастыру туралы шешімді 2023 жылы қабылдаған. Қолайлы орын іздеп, еліміздің бірқатар аймағын аралаған компания өкілдері Түркістан облысын таңдапты.
Шетелдік компания аталған жобаға 30 миллион еуро инвестиция салуды жоспарлар отыр. Жоба бірнеше кезеңнен тұрады. Алғашқы кезеңде зауыт 40 мың дана тоңазытқышты сатылымға шығармақ. Қазір мұнда 350-ге жуық адам жұмыс істейді. Келешекте жұмыспен қамтылатындардың саны 1000-ға жетпек.
