ТУ ҰСТАУШЫ ЖАСТАР СЫНҒА ТҮСТІ
«Болашаққа бағдар: Рухани жаңғыру» бағдарламасы аясында, Тәуелсіздігіміздің 30 жылдығына орай Шымкент қалалық білім бөліміне қарасты №26 Жамбыл атындағы мектеп-гимназиясында тәрбие орынбасарларының ЖАҢА ҚАЗАҚСТАНДЫҚ ПАТРИОТИЗМ бағытындағы жоспарына сәйкес, 8 сыныптар арасында әскери-патриоттық «ТУ ҰСТАУШЫЛАР» сайысы өтті.
Ондағы мақсат: оқушыларды азаматтық-патриотизм, рухани-адамгершілікке тәрбиелей отырып, елжандылыққа, рәміздерді қадірлеп, қастерлеуге баулу, ұлттық құндылықтарды бойына сіңірген білімді де парасатты ұрпақ болып жетілуіне ықпал ету болып табылады.
Оқушылар өздерінің патриоттық әндерімен, ұранымен және ту ұстап жүруден сайысқа түсті.
8 «а» сынып оқушылары өздерінің ұйымшылдығымен, тапқырлығымен тапсырмаларды жоғары деңгейде орындап І орынды иеленді.
