ТАЕКВОНДОДАН «ГАУХАР» СПОРТ КЛУБЫНЫҢ СПОРТШЫЛАРЫ ЖҮЛДЕЛІ I ОРЫННЫҢ ЖЕҢІМПАЗЫ АТАНЫП АЛТЫН МЕДАЛЬМЕН МАРАПАТТАЛДЫ.
2024 жылдың 29 қазан күні Мақтаарал ауданы, Атакент кентіндегі «Есімхан» спорт кешенінде 25 қазан «Республика күніне» орай ESIMKHAN SPORTS және SC MUSTAFA ATAKENT TAEKWONDO клубтарының ұйымдастыруымен спорттың TAEKWONDO WT түрінен ашық біріншілік өтті.
Спорттық іс шараға Жетісай ауданы, Асықата кентінде орналасқан «Гаухар» спорт клубының бір топ спортшылары қатысып келді.
Спорттық іс шараның ережесіне сәйкес 2010-2012, 2013-2014, 2015-2016, 2017-2018, 2019-2020 ж.т жасөспірімдер арасында ұйымдастырылған жарысқа жалпы 7 команда жиналып, 140 жасөспірім спортшылар қатысты.
Жарыс алаңының боз кілемінде жасөспірім спортшылардың белгіленген жас ерекшіліктеріне қарай мықты спортшылар анықталып, жүлделі орындар сарапқа салынды. Жарыстың қорытындысы бойынша жалпы командалық есепте жүлделі орындармен төмендегідей командалар марапатталды:
І орын « Гаухар спорт клубы» командасы
ІІ орын «Жетісай спорт клубы» командасы
ІІІ орын «Атакент спорт клубы» командасы
Спортшылардың жаттықтырушысы «Гаухар спорт клубының» директоры таеквондодан Қазақстан Республикасының жоғары санаттағы ұлттық спорт төрешісі, спорт шебері, біліктілігі жоғары деңгейдегі жоғары санаттағы жаттықтырушы, қара белбеу 4-ші Дан иегері Курманбаева Гаухар Ауезхановна.
