ПАВЕЛ ДУРОВҚА ХАЛЫҚАРАЛЫҚ ІЗДЕУ ЖАРИЯЛАНДЫ
Telegram негізін қалаушы Павел Дуровқа Ресейдің Федералдық қауіпсіздік қызметі (ФҚҚ) терроризмге жәрдемдесті деген айып тағып, оны халықаралық іздеуге жариялады.
Тергеу нұсқасына сәйкес, Telegram әкімшілігі террористік және экстремистік қызметпен байланысты бірқатар арналар, чаттар мен боттарды уақытында бұғаттамаған. Осыған байланысты Дуровқа қатысты қылмыстық іс қозғалды.
Бұған дейін, 2024 жылы Павел Дуров Францияда ұсталған болатын. Француз билігі оны платформадағы заңсыз әрекеттердің алдын алу бойынша жеткілікті шара қолданбады деп күдіктенген. Іс материалдарында есірткі саудасы, балаларға қарсы қылмыстар және алаяқтыққа қатысты контенттің таралуына жол берілгені айтылған. Кейін ол сот бақылауымен босатылған.
Павел Дуров өзіне тағылған айыптарды бұған дейін бірнеше рет жоққа шығарып, Telegram құқық қорғау органдарымен заң аясында жұмыс істейтінін және заңсыз контентке қатысты шаралар қабылдайтынын мәлімдеген.
