Без рубрики
АСТАНАДА АЛҒАШ РЕТ ЭЛЕКТР ҚУАТЫМЕН ҰШАТЫН ӘУЕ ТАКСИІ СЫНАҚТАН ӨТТІ
Бүгін Астанада алғаш рет электр қуатымен жұмыс істейтін әуе таксиі сынақтан сәтті өткізілді. Бұл – еліміздегі қалалық әуе көлігі саласындағы маңызды жаңашылдықтардың бірі.
Әуе таксиі толықтай электр энергиясымен қозғалады. Ол атмосфераға зиянды қалдық шығармайды, шу деңгейі төмен және қысқа қашықтыққа қатынау үшін тиімді көлік түрі саналады.
Аппарат ұшқыштан бөлек 5 жолаушыны тасымалдауға арналған. Оның ең жоғары жылдамдығы сағатына 200 шақырымды құрайды.
Бір рет толық қуатталғаннан кейін әуе таксиі 200 шақырымға дейін ұша алады. Мамандардың айтуынша, мұндай көлік түрі болашақта қалалардағы көлік жүктемесін азайтып, экологиялық таза тасымалды дамытуға мүмкіндік береді.
Сынақ ұшуы жаңа технологиялардың қауіпсіздігі мен тиімділігін бағалауға бағытталған. Егер жоба сәтті жүзеге асса, электрлі әуе таксиі Қазақстандағы инновациялық көлік инфрақұрылымын дамытуға жаңа серпін беруі мүмкін.
