Без рубрики
КАНЬЕ УЭСТТІҢ АЛМАТЫДАҒЫ КОНЦЕРТІНЕ БАЙЛАНЫСТЫ «ҚАЙРАТ» МАТЧЫН ТҮРКІСТАНҒА АУЫСТЫРДЫ
Америкалық рэпер Канье Уэсттің Алматыда концерт өткізуі туралы ақпарат қайтадан қызу талқылануда. Бұған дейін өнерпаздың 14 тамызда Алматыдағы Орталық стадионда өнер көрсететіні хабарланған болатын. Алайда сол кезде «Қайрат» футбол клубы дәл осы кезеңде Еуропа лигасы аясындағы матчқа байланысты стадионның бос болмайтынын мәлімдеген еді.
Енді клуб кездесудің өтетін орнын өзгерту туралы шешім қабылдады. «Қайрат» УЕФА-ға ресми түрде жүгініп, еурокубок аясындағы өз алаңындағы ойынды Түркістан Аренада өткізуге келісім алған.
Осылайша Алматыдағы Орталық стадионның 14 тамыздағы күнтізбесі босап, Канье Уэсттің концертін өткізуге мүмкіндік туғаны айтылып отыр.
Дегенмен, концерттің нақты өтетіні және ұйымдастырылуына қатысты ресми мәлімдеме әзірге жарияланған жоқ. Сондықтан әзірге бұл ақпарат ұйымдастыру жұмыстарының барысына байланысты нақтылануы мүмкін.
