Без рубрики
ИНФЛЯЦИЯ 9,5%-ҒА ДЕЙІН ТӨМЕНДЕСЕ, БАЗАЛЫҚ МӨЛШЕРЛЕМЕ 16%-ҒА ДЕЙІН ТҮСУІ МҮМКІН
Қазақстан Ұлттық банкінің төрағасы Тимур Сүлейменов елдегі инфляция деңгейі 9–9,5 пайызға дейін төмендеген жағдайда базалық мөлшерлемені шамамен 16 пайызға дейін төмендету мүмкін екенін мәлімдеді.
Оның айтуынша, мұндай шешім инфляцияның тұрақты баяулауына байланысты қабылдануы ықтимал. Алайда бұл жоспарға сыртқы және ішкі экономикалық факторлар әсер етуі мүмкін.
Атап айтқанда, әлемдік нарықтағы мұнай мен азық-түлік бағасының құбылуы инфляция қарқынына ықпал етеді. Сонымен қатар коммуналдық қызмет тарифтерінің өзгеруі және халықтың инфляцияға қатысты күту деңгейі де базалық мөлшерлемеге қатысты шешім қабылдауда маңызды рөл атқарады.
Ұлттық банк инфляцияны тұрақты түрде төмендетуді негізгі мақсат ретінде қарастырып отыр. Сондықтан базалық мөлшерлемеге қатысты кез келген шешім елдегі және әлемдік экономикалық ахуал жан-жақты сараланғаннан кейін қабылданады.
